Epistemoloxías feministas en acción
Nesta oitava edición centrámonos en reflexionar sobre a orixe e evolución da orde política patriarcal e o seu impacto na andamiaxe cultural, institucional e cognitiva da nosa sociedade e das nosas universidades. Nestas xornadas preténdese reflexionar, dende unha mirada crítica feminista, sobre o actual contexto multicrise (guerra en Europa, crise medioambiental, feminización global da pobreza, crise financieira, etc) e o impacto que está a xerar na violencia de xénero e machista, na ciencia e na academia e tamén nos contidos docentes universitarios
9 de xuño de 2023
Universidade de Vigo
Edificio Redeiras. Campus de Vigo
Obxectivos:
- Impulsar a aplicación da transversalidade de xénero como un criterio de calidade académica.
- Intercambiar experiencias entre o persoal docente e investigador que xa integre a perspectiva de xénero na súa práctica docente e/ou investigadora e quen teña interese en incorporala.
- Potenciar experiencias innovadoras que inclúan a perspectiva de xénero como un eixe de traballo.
- Promover a creación de redes de colaboración multidisciplinares para integrar a perspectiva de xénero na actividade universitaria.
Nesta edición centrámonos en visibilizar o impacto do actual escenario multicrise nos ámbitos da violencia de xénero e da traxectoria investigadora das mulleres; así como a importancia da aposta por unha docencia universitaria con perspectiva de xénero.
Áreas temáticas:
A presentación de propostas será a través do envío do formulario de comunicación aos seguintes enderezos electrónicos, dependendo da área temática:
Violencias contra as mulleres (oficina.igualdade@udc.gal)
Mulleres, ciencia e investigación (igualdade@uvigo.gal)
Perspectiva de xénero na docencia universitaria (oix@usc.gal)
Prazo límite para presentar propostas de comunicación: 28 de abril de 2023 (ampliado o prazo ata o 8 de maio)